बस्तीमा पस्यो नरायणी नदी

चितवन- अविरल बर्षासँगै पानीको बहान उच्च बनेको नारायणी नदी बस्तीमा पसेको छ ।

चितवनको भरतपुर महानगरपालिका बडानम्बर १६, २६, २७ र २८ नम्बरका घरहरुमा पानी पसेको प्रहरीले जनाएको छ । विभिन्न स्थानमा नारायणी नदीको पानी पसेपछि त्यहाँका सर्वसाधारण त्रसित भएका छन्।

नदीको पानी पसेपछि भगडी सिसुवा, सिसै, न्यूरेचोक, गाँजिपुरसहित आधा दर्जनभन्दा धेरै बस्ति प्रभावित भएका छन् भने घरहरु पुरै डुवानमा परेका छन् । त्रसित बनेका स्थानीय घर छाडेर बाहिर निस्किएका छन् ।

अहिले बाढी प्रभावित क्षेत्रका बासिन्दालाई सुरक्षित ठाउँमा स्थानान्तरणको गर्ने तयारी भईरहेको भरतपुर महानगरपालिकाले जनाएको छ ।

अविरल बर्षाका कारण नारायणी नदीले अहिले सतर्कता तह पार गरेको छ । यसअघि खतरा तह पुग्न सक्ने भएकाले चितवन र नवलपरासीका तटिय क्षेत्रमा उच्च सतर्कता अपनाउन नदी मापन केन्द्रले आम सर्वसाधारणलाई अपील गरेको थियो।

नारायणी नदीले जल सतर्र्कता तह पार गर्दै नारायणी नदी किनारमा राखिएको हात्तीको प्रतीमा बगाएको छ ।