कोरोना संक्रमण भएका करिव आधा मानिस निको भएर घर फर्किए

काठमाडौँ- कोरोना संक्रमण भएका करिव आधा मानिस निको भएर घर फर्किएका छन् ।

विश्वभर कोरोना संक्रमितको संख्या ६४ लाख ७८ हजारभन्दा बढी पुगेको छ । ३० लाखभन्दा बढी संक्रमित निको भएर घर फर्किएका छन् । त्यस्तै संक्रमितमध्ये ३ लाख ८२ हजारभन्दा बढीको मृत्यु भइसकेको छ ।

५४ हजारभन्दा बढीको अवस्था गम्भीर रहेको छ । यो भाइरसले पछिल्लो समय लेटिन अमेरिकन देशहरुमा भयावाह स्थिति सिर्जना गरेको छ ।

भाइरस नियन्त्रणका लागि १५० भन्दा बढी टोलीको वैज्ञानिकहरु भ्याक्सिन बनाउन लागि परेका छन् । तर, हालसम्म ठोस सफलता पाउन सकेका छैनन् ।