ड्युटीमा रहेका प्रहरीलाई नै टिप्परले ठक्कर दिएपछि…

भक्तपुर- मंगलबार बिहानै ड्युटीमा रहेका प्रहरीलाई नै टिप्परले ठक्कर दिएको छ । भक्तपुरको नयाँ ठिमी चोकमा ड्युटी गरिरहेका एक प्रहरीलाई टिपरले ठक्कर दिइ घाइते बनाएको हो ।

बा ४ ख ४७०१ नम्बरको टिपरले गए राति ठक्कर दिँदा ड्युटीमा खटिएका दाङको रामपुर घर भई महानगरीय प्रहरी वृत्त ठिमीमा कार्यरत प्रहरी नायब निरीक्षक निमबहादुर घर्ती घाइते भएको प्रहरीले जनाएको छ ।

उनको नर्भिक अस्पताल थापाथलीमा उपचार भइरहेको छ । टिप्पर चालकलाई प्रहरीले पक्राउ गरेको छ ।