सप्तरी पनि एक जनामा संक्रमण पुष्टि: संक्रमितको संख्या १२१ पुग्यो
काठमाडौं । नेपालमा कोरोना संक्रमित थपिएका छन् । सप्तरी जिल्लामा १८ वर्षका युवकमा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार सप्तरीको डाक्नेश्वरी नगरपालिका वडा नं ३ मा १८ वर्षका युवकमा कोरोना संक्रमण पुष्टि भएको हो ।
योसँगै हाल नेपालमा कोरोना संक्रमितको संख्या १२१ पुगेको छ । सोमबार नै कपिलवस्तुमा १० जनामा कोरोना संक्रमण पुष्टि भएको थियो ।
सोमबार भेटिएका सबै जनाको स्वास्थ्य अवस्था भने सामान्य रहेको मन्त्रालयले जनाएको छ । अस्पतालमा भएका अन्य संक्रमित निको हुने क्रममा छन् ।