चिन्ताजनक बन्दै भारतको अवस्था: एकैदिन मृत्यु हुने हालसम्मकै बढी

काठमाडौं- कोरोना भाइरसका कारण मृत्यु हुनेको संख्या दिनहुँ बढेपछि छिमेकी राष्ट्र भारतको अवस्था चिन्ताजनक हुँदै गैरहेको छ ।

बुधबार मात्रै एकैदिनमा हालसम्मकै बढी ७१ जनाको मृत्यु भएको वर्ल्डो मिटर्सले जनाएको छ । यससँगै त्यहाँ कोरोना संक्रमणका कारण ज्यान गुमाउनेको संख्या १ हजार ७९ पुगेको छ ।

तथ्यांकअनुसार भारतमा कोरोना संक्रमितहरुको संख्या ३३ हजार ६२ पुगेको छ । पछिल्लो २४ घण्टामा (बुधबार) मात्रै भारतमा १ हजार ७३८ नयाँ संक्रमित फेला परेका छन् ।

मंगलबार त्यहाँ १ हजार ९०९ जना नयाँ कोरोना संक्रमित थपिएका थिए भने ६९ जनाको मृत्यु भएको थियो ।

यसैबीच भारतमा कोरोना संक्रमितमध्ये ७ हजार ७४७ जना भने पूर्ण रुपमा निको भइसकेका छन् । हाल २३ हजार ५४६ जना उपचार गराइरहेको जनाइएको छ ।