अमेरिकामा कोरोनाकै कारण मृत्यु हुने ४७ हजार नाघे

काठमाडौं – विश्व महामारी बनेको कोरोना संक्रमणका कारण अमेरिकामा ज्यान गुमाउनेको सङ्ख्या ४७ हजार नाघेको छ ।

चीनको वुहान सहरबाट करिव ४ महिनादेखि फैलिएको कोरोना भाइरसको महामारीले बिहिबार विहान सम्म थप २ हजार ३२१ जनाको मृत्यु भएपछि सङ्ख्या ४७ हजार ६३९ पुगेको हो ।

पछिल्लो २४ घण्टामा अमेरिकामा २९ हजार ३७१ जना नयाँ संक्रमित थपिएका छन् । योसँगै संक्रमित हुने मानिसको संख्या ८ लाख ४८ हजार ११५ पुगेको छ ।

अमेरिकामा संक्रमितमध्ये ८३ हजार ९७८ जना उपचारपछि निको भएका छन् । उपचार गराइरहेका ७ लाख १६ हजार ४९८ जनामध्ये १४ हजार १६ को अवस्था गम्भीर रहेको छ ।