कक्षा १२ को नतिजा केहीबेरमा सार्वजनिक हुने

काठमाडौं । राष्ट्रिय परिक्षा बोर्डले कक्षा १२ को नतिजा प्रकाशनको तयारी गरेको छ । आज शुक्रबार नै प्रकाशन गर्नेगरी राष्ट्रिय परीक्षा बोर्डको बैठक बस्दैछ ।

बोर्डको बैठक बिहान ९ बजे तय भएको बोर्डका सदस्यसचिव दुर्गाप्रसाद अर्यालले जानकारी दिए । बोर्डको निर्णयपछि नतिजा सार्वजनिक हुनेछ ।

गत ३० भदौदेखि ८ असोजसम्म सञ्चालन भएको कक्षा १२ को वार्षिक परीक्षाको नतिजा सार्वजनिक हुन लागेको हो । परीक्षामा ३ लाख ७४ हजार विद्यार्थी सहभागी थिए ।