दुई जना नेपाली सेनालाई पनि कोरोना संक्रमण पुष्टि

काठमाडाैं- नेपाली सेनामा पनि कोरोना संक्रमित भेटिएका छन् । शनिबार थपिएका कोरोना संक्रमित दुबै जना नेपाली सेना भएको खुलेको छ ।

उनीहरू मध्यपूर्वी पृतना महोत्तरीमा कार्यरत रहेको बताइएको छ। उनीहरू ५२ वर्षीय पुरुष र काभ्रेका २६ वर्षीय युवक रहेका नेपाली सेनाका प्रवक्ता विज्ञानदेव पाण्डे बताएका छन्।

योसँगै कोरोना संक्रमितको संख्या नेपालमा २ सय ७८ पुगेको छ। यसका साथै देशका २६ जिल्लामा कोरोना संक्रमित भेटिएका छन्। अहिलेसम्म ३६ जना संक्रमित निको भएर घर फिरेका छन्।