प्रेम सञ्जेललाई महिला कर्मचारीले कार्यालयमै कुटे
काठमाडौं- विराटनगरस्थित श्रम तथा रोजगार कार्यालयका प्रमुख प्रेमप्रसाद सञ्जेललाई सोही कार्यालयमा काम गर्ने महिला कर्मचारीले कार्यकक्षमै कुटेका छन् ।
महिला कर्मचारीले कोठामा चुकुल थुनेर उनीमाथि हातपात गरेका थिए । चुकुल खाेलेर भागेका सञ्जेलले आफुमाथि हातपात भएको भन्दै प्रहरीलाई खबर गरेका थिए ।
मोरङका प्रहरी उपरीक्षक सन्तोष खड्काले ड्युटि खटाउने सवालमा विवाद भई हातपात भएको प्रारम्भीक जानकारी आएको बताए ।
हातपात गर्ने कर्मचारी र सञ्जेललाई जिल्ला प्रहरी कार्यालयमा ल्याएर छलफल भइरहेको खड्काले जानकारी दिए