कोरोना नियन्त्रणका लागि अनिल शर्माको नेतृत्वमा न्युक्लियस टीम

काठमाडौ- नेपाल कम्युनिस्ट पार्टी (नेकपा) काठमाडौ क्षेत्र नम्बर १ ले कोरोना नियन्त्रण तथा रोकथामका लागि पार्टी नेता कार्यकर्ताको न्युक्लियस टोली निर्माण गरेको छ ।

नेकपा नेता तथा काठमाडौं क्षेत्र नम्बर १ का इन्चार्ज अनिल शर्माको नेतृत्वमा राज्यका विभिन्न निकाय तथा स्वास्थ्यकर्मीलाई सहयोग गर्न ५ सदस्यीय एक न्युक्लियस कमिटी गठन गरेको हो ।

कोरोना नियन्त्रण तथा रोकथामका लागि पार्टी नेता कार्यकर्ताको परिचालन गर्ने गर्नेगरी शर्माको संयोजकत्वमा गठन भएको सो समितिमा विदुर मैनाली, कल्पना राणा,ईश्वर सापकोटा र गणेश दुलाल सदस्य रहेका छन् ।

त्यस्तै पार्टी जिल्ला सदस्य तथा जनवर्गिय र मोर्चा संगठनलाई समेत समेटेर ११ वटा टोलहरुमा स्वयसेवक समिति गठन गरी स्थानीय तहमा परिचालन गर्ने निर्णय गरेको छ । जसमा बानेश्वर हाइटमा विष्णु भुषाल, थापागाउँ वाणगंगामा रामप्रसाद अमगाई र हिरा थापामगरलाई जिम्मेवारी दिइएको छ ।

यस्तै बुद्धनगरमा श्यामलाल तन्दुकार र सुर्यबहादुर कार्की रहेका छन् भने मैतीदेवी डिल्लीबजारमा रेवती दाहाल र आत्मराम राजवंशीलाई तोकिएको छ । घट्टेकुलो अनामनगरमा शर्मिला कार्की र सरला पौडेललाई जिम्मेवारी दिइएको छ ।

त्यसैगरी शंखमुलमा अनिताढोली कार्की र रामेश्वर पाण्डे, शान्तिनगरमा धनवहादुर अछामी र लिलाधर रिमाल, खरिवोट मिलनचोकमा देवराज शर्मा र राजेश जोशी, पुरानोवानेवर भिमसेनगोलमा सरोज ढकाल र भिमाम गौतम तोकिएका छन् । थापाथली बबरमहलमा पुष्प श्रेष्ठ र त्रिपुरेश्वर भोटेवहालमा मित्रलाल ठोकरलाई जिम्मेवारी दिएको छ ।

उनीहरुले नेपाल सरकार तथा विश्व स्वास्थ्य संगठन लगायतका आधिकारिक निकायबाट जारी गरिएका जनचेतना मुलक जानकारीहरुको प्रभावकारी कार्यन्वयन गराउन साथ सहयोग गरी जनतालाई भाइरसका विरुद्ध लड्न तयार गर्ने लगायतका काम गर्नेछन् ।