मूर्ख शासक सत्तामा हुँदासम्म जनतालाई सुख हुन्न: चन्द्र भण्डारी
काठमाडौँ- नेपाली कांग्रेसका नेता चन्द्र भण्डारीले सत्तामा मूर्खहरू हुँदासम्म मानवजातीलाई सुख, संबृद्धि र शान्ति नहुने बताएका छन् ।
भण्डारीले नया वर्षको शुभकामना दिंदै यस्तो संदेश दिएका हुन् । उनले विश्वभरी नै मुर्ख शासकहरू राहंदासम्म जनताहरूले दुख मात्र पाइरेको पनि बताएका छन् ।
नेता भण्डारीले कोरोना महामारीले संकट मात्र होईन नयाँ सोंच पनि जन्माउने छ भन्ने मेरो विश्वास लागेको समेत बताएका छन्।
उनले सामाजिक संजाल फेसबुकमा नयाँ वर्षको शुभकामना सन्देश दिँदै यस्तो बताएका हुन् ।
उनको सन्देश कोरोनाको विश्वव्यापी महामारी हुँदासम्म पनि समयमै लकडाउन नगर्ने देशका राष्ट्रप्रमुख प्रति केन्द्रित थियो । समयमै लकडाउन गरिएको भए कोरोनाले अहिले गरे जस्तो क्षती नहुने उनले स्टाटसमा उल्लेख गरेका छन् ।
उनले खराब नेता र शासकलाई विदा गर्न सकियोस् भन्दै सबैलाई नयाँ वर्षको शुभकामना पनि दिएका छन् ।
यस्तो छ उनको पोस्ट:
‘विश्वभरी छरिएका यी मुर्ख शासक रहँदा सम्म मानवजातीलाई सुख, सम्वृद्धि र शान्ति हुनै सक्दैन । विकासले सुविधा दिए पनि मानवलाई शान्ति प्राप्ति हुदैन । चीनबाट शुरु भएको कोरोनाको महामारीलाई समयमा नै लकडाउन मात्र गरी दिएको भए यस्तो विनाश हुने थिएन । कोरोनाले संकट मात्र होईन नयाँ सोंच पनि जन्माउने छ भन्ने मेरो विश्वास हो, जसले नेतृत्वमा पनि परिवर्तन गर्नेछ । ईतिहास साक्षी छ संकटको समाधान पछि शक्ति स्थानान्तरित हुन्छ । तसर्थ अहिलेका नेता र शासकहरुलाई विदा गर्न सकियोस् भन्ने कामनासहित सबैलाई नयाँवर्षको शुभकामना।’
