विज्ञ समूह र उच्चस्तरीय संयन्त्र बनाउ: रवीन्द्र मिश्र
काठमाडौं- प्रमुख दलको उच्चस्तरीय संयन्त्र बनाउनुपर्ने भन्दै साझा पार्टीका अध्यक्ष रवीन्द्र मिश्रले कोरोना (कोभिड-१९) भाइरसको रोकथाम तथा नियन्त्रणका लागि सरकारको ध्यानाकर्षण गराएका छन् ।
मिश्रले सरकारलाई विज्ञ समूह पनि बनाउनु पर्ने सुझाव दिएका छन् । विश्वभर कोरोना महामारी फैलिएको र नेपालमा सम्बन्धित मन्त्रालय तथा गठन गरिएको समितिले प्रभावकारी काम गर्न नसकेको भन्दा आलोचना भैरहेका बेला उनले यस्तो सुझाव दिएका हुन् ।
लकडाउनपछि महामारी नरोकिएर भयावह हुनसक्ने स्थितिलाई सम्हाल्न, विदेशबाट आउन सक्ने लाखौं नेपालीलाई व्यवस्थित गर्न र अर्थतन्त्रलाई त्राण दिन पनि दुई संयन्त्र आवश्यक हुने औंल्याए। शुक्रबार बिहान ट्वीट गर्दै उनले भाग्यले क्षति कम हुनु भिन्दै कुरा रहेको बताए।
