शुक्रबार भारत बन्द: कुन कुन क्षेत्रमा पर्ला असर ?

एजेन्सी- भारतका किसानहरूले शुक्रबार भारत बन्दको आह्वान गरेका छन् । नयाँ कृषि कानुनविरूद्ध आन्दोलनरत भारतीय किसान युनियनलगायतका संगठनहरूले शुक्रबार भारत बन्दको आह्वान गरेका हुन् ।

होली र सर्वसाधारणको सुविधालाई ध्यानमा राख्दै शान्तिपूर्ण बन्द गर्न लागिएको किसान संगठनले जनाएको छ ।

अर्कातिर किसान आन्दोलनमै सहभागी केहि किसान संगठनहठनहरूले भने बन्दविरुद्ध प्रदर्शन गर्ने घोषणा गरेका छन्।

भारत बन्द आह्वानमार्फत किसानहरू कृषि कानुनहरू फिर्ता लिन र एमएसपी कानुनको कार्यान्वयन गर्न दबाब दिने बताईरहँदा केही संगठनले यस्तो तयारी गरेका हुन् ।

‘भारत बन्दसँग हाम्रो कुनै सम्बन्ध छैन। बन्द गर्न लागेका समूह हालको आन्दोलनमा संलग्न रहेका छैनन्,’ किसान मजदूर संगठनका अध्यक्ष वीएम सिंहले भने। यता राष्ट्रिय अन्नाडाटा संघले भारत बन्द गर्नेहरूको विरोध गर्न सडकमा उत्रने घोषणा गरेको छ।

‘साधारण किसानले तीन कृषि कानुनविरूद्ध आन्दोलन गरिरहेका संगठनहरुलाई पूर्णरुपले अस्वीकार गरेका छौं,’ अध्यक्ष रामनिवास यादवले भने ।

संयुक्त किसान मोर्चाका अनुसार किसान आन्दोलनको १२० दिन पूरा भएको अवसरमा भारत बन्दको आह्वान गरिएको हो। संगठनले मार्च २६ मा बिहान ६ देखि साँझ ६ बजेसम्म भारत बन्द घोषणा गरेका छन्।

अहिलेपनि हजारौं किसानहरूले दिल्लीको सिमानामा नयाँ कृषि कानुनविरूद्ध प्रदर्शन गरिरहेका छन्। कांग्रेस, वामपन्थी लगायत विपक्षी दलहरूले बन्दको समर्थन गरेका छन्। किसान संगठनहरूले मार्च २८ मा होलीका दहनमा नयाँ कानुनको प्रतिलिपी जलाउने घोषणा गरेका छन्।

संयुक्त किसान मोर्चाका अनुसार भारत मार्च २६ मा पूर्ण रुपमा बन्द रहनेछ। पछिल्लो समय उत्तर प्रदेश र उत्तराखण्डमा बन्द आह्वान गरिएको छैन। यसपटक भारत बन्दको प्रभाव दिल्ली भित्र पनि देखिनेछ।

यसैबीच रेल र सडक यातायात अवरोध गर्ने योजना बनाइएको छ। पसल र दूग्ध पदार्थ व्यापार हुने स्थान बन्द हुनेछ। बिहान ६ देखि साँझ ७ सम्म सार्वजनिक स्थानहरु पनि बन्द रहनेछन्।

किसान नेताका अनुसार कुनै कम्पनी वा कारखाना भने बन्द हुनेछैन। आवश्यक ठाउँहरू जस्तै पेट्रोल पम्पहरू, मेडिकल स्टोरहरू र सामान्य स्टोरहरू खुला रहनेछन्।