कोरोनाबाट लाख बढीले ज्यान गुमाउने किर्तिमान अमेरिकाको नाममा

एजेन्सी- अमेरिकाले कोरोना संक्रमणबाट मर्नेहरूको इतिहास बनाएको छ । कोरोना संक्रमणले सबैभन्दा बढी प्रभावित देश अमेरिकामा मंगलबारको तथ्यांक अनुसार ज्यान गुमाउनेको संख्या एक लाख नाघेको छ ।

कोरोनाबाट मृत्यु हुने देशमा अमेरिका पहिलो नम्बरमा छ। कोरोना भाइरसबारे विश्वव्यापी तथ्यांक अपडेट गरिरहेको वेबसाइट वर्लडओमिटरका अनुसार त्यहाँ कोरोना संक्रमितको कुल संख्या भने १७ लाख ११ हजार छ। यीमध्ये ४ लाख ६७ हजार भने निको भएका छन्।

गएको डिसेम्बर अन्तिम साता चीनबाट सुरु भएको यो भाइरस विश्वभर फैलिसकेको छ।

अहिलेसम्म यसबाट संक्रमित हुनेको संख्या ५६ लाख ३४ हजार छ भने ३ लाख ४९ हजारभन्दा बढीको मृत्यु भइसकेको छ। करिब २४ लाख भने संक्रमित भएर पनि निको भएका छन्।