नेपालमा भयावह हुने सङ्केत: एकैदिन थपिए १६६ संक्रमित
काठमाडौं- पछिल्ला केहिदिनदेखि नेपालमा कोरोना संक्रमितको संख्या दिन प्रतिदिन बढ्दै छ । आइतबार पनि ठुलो संख्यामा संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आइतबार विभिन्न जिल्लामा गरेर १६६ कोरोना संक्रमित थपिएका छन् ।
देशका बिभिन्न प्रयोगशालामा गरिएको परिक्षणमा १६६ संक्रमितको संख्या थपिएको स्वास्थ्य तथा जनसंख्या मन्त्रालयले नियमित पत्रकार सम्मेलन मार्फत जनाएको छ ।
पछिल्लो समय भारतबाट नेपालका बिभिन्न सिमाना हुँदै नेपाल भित्रिनेको संख्या उच्च बनेको छ । पछिल्लो समय भारतबाट आएका हरूनै बढी संक्रमित भेटिएका छन् ।
नेपालमा पछिल्ला किदिनामा देखिएका आंकडाले कोरोनाको महामारी फैलिसकेको र यसमा थप सजगता अपनाउनुपर्ने देखिएको छ ।
यो संगै नेपालमा संक्रमितको कुल संख्या १५६७ पुगेको छ । निको भएर डिस्चार्ज हुने २२० पुगेका छन् ।