बाँकेमा गाडी दुर्घटना: १२ को मृत्यु, २१ घाइते

काठमाडौं- बाँकेमा गाडी दुर्घटना भएको छ । बाँकेको राप्तीसोनारी- २ स्थित पूर्वपश्चिम राजमार्गको मुगुवा खोला नजिक गाडी दुर्घटना भएको हो ।

दुर्घटनामा परी १२ जनाको मृत्यु भएको छ भने २१ जना पनि घाइते वगेको बताइएको छ ।

भारतबाट नेपाल प्रवेश गरेका मजदुरहरुलाई लिएर नेपालगन्जबाट सल्यान जाँदै गरेको ना ५ छ ५९९५ को फोर्स गाडी राती १२ बजेतिर ट्रकसँग ठोक्किएर दुर्घटनामा परेको हो।

दुर्घटनामा १२ जनाको मृत्यु भएको र २१ जना घाइते भएको बाँकेका प्रमुख जिल्ला अधिकारी रामबहादुर कुरुङवाङले जानकारी दिए। घाइते सबैको भेरी अस्पतालमा उपचार भइरहेको छ।