बिहानै बानेश्वरमा कुकर बम भेटिएपछि…
काठमाडौँ – काठमाडौंको बानेश्वर नजिकै एकाबिहानै त्रासको वातावरण बन्यो । एकाएक बम भेटिएको हल्ला फैलियो । स्थानीय त्रसित बने ।
बानेश्वरको सुकुम्बासी बस्तीमा भएको यो घटना मंगलबार बिहानको हो । त्यहाँ अज्ञात समुहले बम भनी प्रेसर कुकर राखेपछि तनावको स्थिति बन्यो ।
केहीबेर स्थानीय बासिन्दा त्रसित भएपछि प्रहरीलाई बोलाए । प्रहरीले सेनाको बम डिस्पोजल टोलीलाई खबर ग-यो ।
बाटोमा राखिएको प्रेसर कुकर बम हुन सक्ने आशंकामा प्रहरीले नेपाली सेनाको बम डिस्पोजल टोलीलाई बोलाएको थियो । सेनाको टोलीले हेर्दा कुकरमा बालुवा मात्रै रहेको पाइएको हो ।
केहीबेर जनजीवन प्रभावित भए पनि अहिले अवस्था सामान्य रहेको छ । सो कुकर कसले र किन राखेको भन्ने खुल्न बाँकी छ ।