विप्लवले क्रान्ति त के माखो मार्न सक्दैनन् : प्रचण्ड
काठमाडौं– नेकपा माओवादी केन्द्रका अध्यक्ष प्रचण्डले विप्लवले कुनै क्रान्ति गर्न नसक्ने बताएका छन् ।
मंगलबार राजधानीमा भएको एक कार्यक्रममा बोल्दै प्रचण्डले क्रान्ति कसरी गर्नुपर्छ भन्ने आफुलाई राम्रोसँग थाहा भएको बताए ।
प्रचण्डले विप्लवको नामै नलिइ भने, ‘केही साथीहरुले क्रान्ति गर्न रहर गरेका छन् । उनीहरुले तर उनीहरुले माखो मार्दैनन् ।’
माओवादीको मूल नेतृत्वले क्रान्ति र जनयुद्धलाई धोका दिएको भन्दै विप्लव नेतृत्वके नेकपाले ‘एकीकृत क्रान्ति’ को सिद्धान्तअगाडि सारेको छ ।
प्रचण्डले अहिले सवै कम्युनिष्ट एक हुने बेला आएको पनि बताए । ‘समाजवादमा जाने हो भने सवै कम्युनिष्ट एक हुनुपर्छ । नक्कली सक्कली बनेर हुँदैन ।’ प्रचण्डले भने, ‘भित्रै बहस गरेर को ठीक को बेठीक भन्ने थाहा हुन्छ ।’