बादलकी श्रीमती नैनकला थापा संचारमन्त्री

काठमाडौं- प्रधानमन्त्री केपी शर्मा ओलीले मन्त्रिमंडल विस्तार गर्दैछन । नयाँ बन्ने मन्त्रीहरूमा पूर्व गृहमन्त्री रामबहादुर थापाकी श्रीमती नैनकला थापा संचारमन्त्री बन्ने भएकी छन्।

गृह मन्त्रालयको जिम्मा खगराज अधिकारीलाई दिने भएका छन् । त्यसैगरी वनमन्त्रीमा नारदमुनी राना, कृषि मन्त्रीमा ज्वालाकुमारी साह, उद्योग मन्त्रीमा राजकिशोर यादव र सामान्य प्रशासन मन्त्रीमा गणेश पहाडीको नाम चर्चामा छ ।

मोहन बानियाँलाई विनाविभागीय र वन राज्यमन्त्रीमा आशा विकलाई शपथ गराउन लागिएको बताइएको छ ।

उनले सात मन्त्रीको आजै ४ बजे शपथ गराउने तयारी गरेका छन् । शपथ ग्रहणका लागि ४ बजे आउनू भन्ने जानकारी आए पनि मन्त्रालयको भने कुनै टुंगो नलागेको एक नेताले जानकारी दिए ।