देउवाले डाके पार्टीको आकस्मिक बैठक

काठमाडौं । नेपाली कांग्रेसका सभापति शेरबहादुर देउवाले आकस्मिक बैठक डाकेका छन् ।

राष्ट्रपति विद्यादेवी भण्डारीले नयाँ सरकार बनाउन गरेकोआह्वान असंवैधानिक भन्दै विरोधमा उत्रिएको कांग्रेसले आकस्मिक बैठक बस्ने भएको हो ।

राष्ट्रपति भण्डारीले गरेको आह्वान लगायतका विषयमा छलफल गर्न कांग्रेस शीर्ष नेताहरुको बैठक शुक्रबार बिहानका लागि देउवाले बोलाएका हुन् ।

देउवा निवास बुढानिलकण्ठमा शुक्रबार ९ बजेपछि बोलाइएको छ । बैठकमा पदाधिकारी, पूर्व पदाधिकारी , संसदीय दलका पदाधिकारी र प्रभावशाली नेताहरूलाई समेत बोलाईएको छ ।