ओलीलाई भेट्न सिंहदरबार पुगे देउवा
काठमाडौं- प्रधानमन्त्री केपी ओलीलाई भेट्न प्रतिपक्षी दल नेपाली कांग्रेसका सभापति शेरबहादुर देउवा लगायतका नेताहरू सिंहदरवारमा पुगेका छन् ।
कोरोना रोकथाम र नियन्त्रण, बजेट अधिवेशन लगायतका विषयमा सरकारको ध्यानाकर्षण गराउनका लागि कांग्रेस नेताहरु सिंहदरवार पुगेका हुन् ।
कांग्रेसको हिजो नयाँ बानेश्वरमा बसेको संसदीय दलको कार्यसमितिले सरकारको ध्यानाकर्षण गराउने निर्णय लिएको थियो ।
प्रधानमन्त्रीलाई ध्यानाकर्षणका लागि कांग्रेस सभापति शेरवहादुर देउवा लगायतका कांग्रेसका शीर्ष नेताहरु सिंहदरवार पुगिसकेका छन् ।
कोरोना नियन्त्रणमा सरकार असफल भएको, सरकारले यसलाई खेलाँची मात्र ठानेको भन्दै कांग्रेसले सरकारको ध्यानाकषर्ण गराउन लागेको हो ।