कपिलवस्तुमा माओवादी नेतामाथि गोली प्रहार

कपिलवस्तु- नेकपा (माओवादी केन्द्र) कपिलवस्तुका नेता दीपक पाण्डेमाथि गोली प्रहार भएको छ । मोटरसाइकलमा सवार पाण्डेमाथि गोली प्रहार भएको बताइएको छ ।

बुधबार राति भारतीय नागरिक इयाज अक्तरसंगै रहेका उनीमाथि अज्ञात समूहले प्रहार गर्दा गोली लागेर पाण्डे घाइते भएका छन् ।

पाण्डेलाई दुई गोली र भारतीय नागरिक अक्तरलाई १ गोली लागेको प्रहरीले जनाएको छ । राती ११ बजे तौलिहवा-जीतपुर सडकखण्डमा पर्ने सडवा भन्ने स्थानमा पाण्डेमाथि गोली प्रहार भएको थियो ।

गोली किन र कसले हान्यो अझै खुल्न सकेको जिल्ला प्रहरी कार्यालयले जनाएको छ ।