माओवादी केन्द्रले भन्यो: अब केपी ओली नै प्रधानमन्त्री
काठमाडौं- नेकपा एमालेको माधव नेपाल समुहको निर्णय कुरेर बसेको नेकपा माओवादी केन्द्रले वैकल्पिक सरकारको सम्भावना टरेको निष्कर्ष निकालेको छ ।
जसपाको महन्थ ठाकुर र एमालेको माधव नेपाल पक्षका कारण वैकल्पिक सरकार बनाउने सम्भावना टरेको माओवादीले बताएको छ। राष्ट्रपतिले दिएको समयसीमा सकिनै लाग्दा माओवादी यस्तो निर्णयमा पुगेको छ ।
केन्द्रीय कार्यालय पेरिसडाँडामा बसेको स्थायी कमिटी बैठकमा अध्यक्ष प्रचण्डले दलहरुसँग भएको परामर्श र प्रयासका बारेमा ब्रिफिंग गरेका थिए ।
माधव नेपाल पक्षको राजीनामा नआएको र महन्थ पक्षले केपी ओलीलाई नै साथ दिएका कारण अब ओली नै प्रधानमन्त्री नियुक्त हुने माओवादीको निष्कर्ष छ ।