प्रधानमन्त्रीका लागि दाबी पेश गर्ने देउवाको तयारी
काठमाडौं- नेपाली कांग्रेसका सभापति शेरबहादुर देउवाले वैकल्पिक सरकारक लागि आफ्नो नेतृत्वका लागि दाबी पेश गर्ने तयारी गरेका छन् । राष्ट्रपति विद्यादेवी भण्डारीले दिएको समयसिमा सकिनै लाग्दा देउवाले यस्तो तयारी गरेका हुन् ।
माओवादी केन्द्र, जनता समाजवादी पार्टीको समर्थनमा देउवाले राष्ट्रपति विद्यादेवी भण्डारी समक्ष दाबी पेश गर्ने तयारी भएको कांग्रेस महामन्त्री डा. शशांक कोइरालाले जानकारी दिएका छन् । सबै खाले प्रक्रिया पुरा गरेर दाबी पेश गर्ने तयारी भएको उनले बताए ।
एमालेका माधव नेपाल समुहका नेताहरुसँग र जसपाका नेताहरुसँग छलफल भैरहेको भन्दै उनले सबै प्रक्रिया मिल्ने दाबी समेत गरे । देउवाले तीन दलको छलफललाई अझ घनीभुत बनाउन पार्टीका अर्का महामन्त्री पूर्णबहादुर खड्का, संसदीय दलका प्रमुख सचेतक बालकृष्ण खाण र रमेश लेखकलाई खटाएका छन् ।
राष्ट्रपतिले दिएको समय आज राति ९ बजे सकिँदैछ।