मध्यरातमा बालुवाटार पुगेको त्यो सुचनाले ओली सशंकित: बिहानैदेखि दौडधुप सुरू

काठमाडौं- सामुहिक राजिनामा गर्ने तयारीबारे सुचना पाएपछि प्रधानमन्त्री तथा पार्टी अध्यक्ष केपी शर्मा ओलीले नेकपा एमालेका वरिष्ठ नेता माधव नेपाललाई तारन्तार टेलिफोन गरेका थिए । तर नेता नेपालले फोन रिसिभ नगरेपछि एकाबिहानै अर्थमन्त्री विष्णु पौडेललाई नेपाल निवासमै पठाएका छन् ।

राष्ट्रपतिले नयाँ सरकार गठनका लागि दिएको समय सीमा सकिनै लाग्दा ओलीले नेपाल समुहको राजीनामा रोक्ने अन्तिम प्रयास गर्दैछन । यही प्रयास स्वरुप एमाले अध्यक्ष केपी शर्मा ओलीले वरिष्ठ नेता नेपाललाई बुधबार राति टेलिफोन गरेका थिए । तर, नेता नेपाललेले टेलिफोन रिसिभ गरेनन् ।

नेता नेपालको फोन रिसिभ नगरेपछि महाचिव विष्णु पौडेल माधव नेपाल निवास पुगेका हुन् । नेताव पौडेल ओलीको सन्देशसहित बिहानै नेपाल निवास पुगे । अहिले दुई नेताबीच छलफल भैरहेको बताइएको छ ।

बुधबार साँझ अध्यक्ष ओलीले नेता नेपाललाई तारन्तार टेलिफोन गरेको स्रोतले बताएको छ । तर नेपालले भने फोन उठाएनन् । सामुहिक राजिनामा तयार भएको सुचना बालुवाटार पुगेपछि ओली सशंकित बनेका थिए । त्यसपछि उनले नेता नेपाललाई सम्पर्क गर्न खोजेका थिए ।

नेता नेपालले फोन नउठाएपछि नेपाल समुहकै एक नेतालाई मध्यरातमा ओलेले छलफल गरेका थिए । ति नेतासंग लामो छलफल गरेपनि नेपाल समूह निर्णयबाट नफर्किने देखेपछि एकाबिहानै नेता पौडेललाई नेपाल निवास पठाएका थिए ।

पौडेललाई पठाएलगत्तै उनले आकस्मिक स्थायी कमुती बैठक बोलाएर नेपाल समुहको कारबाही फिर्ता लिने संदेश पठाएका छन्।