अमेरिकी राष्ट्रपति बाइडेनले दिए नेपाली नयाँवर्षको शुभकामना
काठमाडौं । अमेरिकी राष्ट्रपति जो बाइडेनले नेपाली नयाँवर्ष २०७८ को शुभकामना दिएका छन् । बाइडेनले दक्षिण एसियाली र दक्षिणपूर्वी एसियालीलाई विभिन्न उत्सव र चाडपर्वहरुको शुभकामना दिएका हुन् ।
सामाजिक सञ्जाल ट्वीटरमार्फत बाइडेनले नवरात्री र विक्रम संवतको अवसरमा नेपाली समुदायलाई शुभकामना दिएका छन् । उनले प्रथम महिला जिल बाइडेन र आफ्नो तर्फबाट यो साताभर विभिन्न आप्रवासी समुदायमा मनाइने नयाँवर्षको लागि शुभेच्छा व्यक्त गरेका हुन् ।
राष्ट्रपति बाइडेनले सबैको परिवारमा समृद्धि र उज्यालोको कामना पनि गरेका छन् । अमेरिकामा रहेका नेपालीहरुले पनि बिक्रम सम्बत नयाँ बर्ष मनाइरहेका छन् भने भारतीय लगायत दक्षिण एसियाका अन्य हिन्दु समुदायले बैशाखी मनाएका छन् ।
बाइडेनले नेपाली लगायत बंगाली, कम्बोडियन, लाओ, म्यानमारिज, सिहालिज, तमिल, थाई र विसु नयाँ बर्षको समेत शुभकामना दिएका छन् ।
