२०७५ बैशाख ७, शुक्रबार

मुस्लिम महिलालाई राहत

December 28, 2017
106 Views
Spread the love

नयाँ दिल्ली 

मुस्लिम समुदायका पति पत्निबीच सानो तिनो घरेलु झगडामा पनि पारपाचुकेसम्मको अवस्थामा अब रोक लाग्ने भएको छ । भारतको संसद् लोकसभाले बिहीबार मुस्लिम महिला ( विवाह अधिकार संरक्षण) विधेयक,२०१७  लाई स्वीकृति दिएपछि भारतमा रहने मुस्लिम महिलाहरूले राहतको सास  फेरेका छन् । सरकारका तर्फबाट कानुन मन्त्री रविशंकर प्रसादले सदनमा पेस गरेको विधेयकमाथि दिनभरि छलफल भएपछि संसदले बहुमतका साथ पारित गरेको हो । विधेयकको समर्थनमा प्रमुख विपक्षी दल काँग्रेसले पनि मत दिएको थियो ।

यद्धपी एक अर्काका निर्णयमा भारतीय जनता पार्टी र काँग्रेसबीच मतान्तर रहने भए पनि विवाहित मुस्लिम महिलाहरूको समर्थनमा विधेयक भएकाले र मुस्लिम महिलाहरूलाई अझै सशक्त बनाउनका लागि यसमाथि राजनीति हुन नपर्ने काँग्रेसले जनाएको थियो । त्यसअघि प्रधानमन्त्री नरेन्द्र मोदीले मुस्लिम महिलाको अधिकारका लागि मुस्लिम महिला विवाह अधिकार संरक्षण विधेयक, २०१७  मा आम सहमति गर्न आग्रह गरेका थिए । यो विधेयक कार्यान्वयनपछि अब भारतमा तीन तलाक कानुनी रूपमा मान्य हुनेछैन ।

मुस्लिम महिलाहरुमा खुसीयाली

सानोतिनो विवादका कारण पनि पतिले गरेको सम्बन्ध विच्छेदका कारण भारतमा रहेका मुस्लिम महिलाहरूले संसद्को निर्णयको स्वागत गरेका छन् । खुलेर यस विधेयकको समर्थनमा आउन नसक्ने मुस्लिम महिलाहरूले पनि विधेयकले एक कुरितीलाई अन्त्य गर्ने वि·ाास लिएका छन् । मुस्लिम समुदायमा निकाह अर्थात् विवाह भएको केही समय होस वा छोराछोरी ठुला भइसकेका महिलाहरू पनि तीन तलाकको सिकार हुने गरेका छन् ।

के हुनेछ नयाँ कानुनमा ?

बिहीबार पारित भएको मुस्लिम महिला विवाह अधिकार संरक्षण विधेयक, २०१७  अन्तरगत कुनै पनि मुस्लिम पतिले आफ्नी पत्नीलाई तीन तलाक दिन्छ भने सो मान्य हुनेछैन । तीन तलाक मौखिक, लिखित वा सन्देशका माध्यमले भए पनि त्यो अवैध हुनेछैन । यदि कसैले तीन तलाक दिन्छ भने उसलाई तीन वर्षको कारागार र जरिवाना समेत हुनेछ । जरिवाना कति हुने भन्ने कुरा अदालतले तय गर्ने उल्लेख छ । यस विधेयक अन्तरगत पीडित महिलाले नाबालक बालबालिकाको संरक्षणका लागि अदालतसामु अनुरोध गर्नसक्नेछन । प्रस्तावित कानुन भारतको स्वशासित जम्मू-कश्मरीर बाहेक पुरै देशमा लागू हुनेछ ।

Facebook Comments

You may be interested

बुटवलमा बृहत् र्‍याली (फोटो कथा)
समाचार
0 shares2 views
समाचार
0 shares2 views

बुटवलमा बृहत् र्‍याली (फोटो कथा)

himal post - २०७५, ७ बैशाख १६:४६

आचार्य प्रदिप /बुटवल  नेपाली फौजले विजय प्राप्त गरेको २०३ वर्ष पुगेको अवसरमा आज बुटवलमा बृहत् र्यालीको आयोजना सहित तत्कालिन युद्धको…

ओली-दाहाल भेट: ओलीको बिस्वास नभएकोले एकता सङ्कटमा !
राजनीति
0 shares5 views
राजनीति
0 shares5 views

ओली-दाहाल भेट: ओलीको बिस्वास नभएकोले एकता सङ्कटमा !

himal post - २०७५, ७ बैशाख १६:३९

काठमाडौं । नेकपा एमाले अध्यक्षका एवं प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दाहालबीच आजको वार्ता पनि निष्कर्षमा…

पर्यटक भित्राउने राम्रो माध्यम जितगढि हो :मुख्यमन्त्री
राजनीति
0 shares5 views
राजनीति
0 shares5 views

पर्यटक भित्राउने राम्रो माध्यम जितगढि हो :मुख्यमन्त्री

himal post - २०७५, ७ बैशाख १६:२७

आचार्य प्रदीप/बुटवल, प्रदेश नम्बर ५ का मुख्यमन्त्रि शंकर पोखरेलले बुटवलको जितगढि पर्यटक भित्राउने राम्रो माध्यम भएको बताएका छन् । उनले…