अर्घाखाँचीको हंसपुरमा जिप दुर्घटना, ९ जनाको मृत्‍यु

अर्घाखाँची जिल्लाको सदरमुकाम सन्धिखर्कबाट प्युठानको बाँधिकोटतर्फ जाँदै गरेको  जिप हंसपुरको रतनमारे नजिकै आइतबार दिउँसो तीन बजेतिर दुर्घटना हुँदा घटनास्थलमै ९ जनाको मृत्यु भएको छ । दुर्घट्नामा ६ जना घाइते भएका छन् । घाईते मध्ये ३ जनाको अवस्था गम्भिर रहेको छ ।  घाइतेलाई जिल्ला अस्पताल सन्धिखर्क लगिएको छ ।

सन्धिखर्कबाट दिउसो १ बजे छुटेको लु १ ख ४८७८ नम्बरको जिप हंसपुर ५ र ९ को बीचमा पर्ने सडकबाट करिब सात सय मिटर तल खसेको हो  । दुर्घटनामा परि मृत्यु हुनेमा गाडी धनि नारायण राना समेत रहेका छन् ।  जिपमा १७ जना यात्रु सवार थिए ।